Полека, полека стануваме ко „Fast&Furious”, стигнавме до осмото издание! Самоуверено грабиме кон двоцифрена едиција.
Освежуваме со нов термин оваа година.
Здраво Млади 8-цата, на 1 септември (сабота)… Целодневна ја тераме.
Вратени од одмор, свежо исончани, се собираме да си подраскажеме што се случува на потегот Буљарица – Неа Флогита, нормално со пар исклучоци (вратени од work&travel) што ќе „тупат“ колку добар бургер има кај Jammal, на корнерот од 4-та и 5-та улица у Hoover city, Аlabama… Али тоа е, позитива до крај.
Нова школска година, нова сезона, нова енергија у воздух… И секако чаша вода зад петици и доообра музика за да тргне работава.
Објавава е информативна – ви го соопштуваме официјалниот датум, но и мотивирачка – другари имате две недели можност да набавите билет за фестивалот за повеќе од пристојни, да не се зезаме… скромни 300 денари.
Оваа понуда трае до 1 јуни, ден кога ќе ги најавиме и првите 3 изведувачи и неволно, но здраворазумски, ќе ја покачиме цената на картата.
На оваа наша покана за „blind date“ сигурни сме дека ќе одговорите позитивно, а ние ќе ги искористиме сите атрибути за да ја придобиеме вашата доверба и љубов.
На точно 105 дена до ЗДРАВО МЛАДИ#8 ве поздравуваме.
Послушајте го нашиот совет и купете си по 3 билета од оваа цена, исто ко да купуваш акции во Алкалоид 
Мал времеплов… Во изминатите 7 изданија на фестивалот имавме можност да ги видиме и слушнеме во живо:
Slowdive, King Khan And The Shrines, K-X-P, Lee Ranaldo & EL Rayo, Follakzoid, Moon Duo, Prinzhorn Dance School, Metz, Gonjasufi, !!! (Chk Chk Chk), FM Belfast, Chinawoman, Matias Aguayo, Rebolledo, Ulrich Schnauss…
Билети можете да набавите преку продажната мрежа на MkTickets и на Билетарница МКЦ.