На 15 мај, Галерија МКЦ со почеток во 20:00 часот, ќе биде отворена групна изложба на српските уметници: Мирослав Живкович, Братислав Басич и Владимир Јанкович.
Авторите ќе се престават со слики и цртежи работени последниве години.
Мирослав Живкович е роден 1972 година во Ниш -Србија. Завршил Факултет за уметности и постдиполомски студии во класата на професор Хилмије Чатович 1998 година. Имал 33 самостојни изложби. Работи на Факултетот за ликовни уметности во Ниш како вонреден професор за предметот вечерен акт. Член е на УЛУС.
Братислав Басич е роден 1962 година во Ниш – Србија, студирал сликарство на Факултетот за ликовни уметности во Белград во класата на Војислав Тодоробич. Со дипломирањето во 1987 година станува и член на УЛУС, магистрирал 1990 година. Имал триесет самостојни изложби. Работи како вонреден професор на Факултетот за уметности во Ниш.
Владимир Јанкович е роден 1952 година во Алексинац – Србија, дипломирал на Факултетот за уметности, сликарски отсек во Белград 1987 година , 1981 дипломирал на постдипломски студии на истиот факултет. Член е на УЛУС од 1980, а од 2012 член на УЛУПУДС. Работи како вонреден професор на факултетот во Ниш, на сликарскиот отсек.
Досега има остварено 42 самостојни изложби.