SKOPJE CREATIVE HUB (SCH2014)
- new content in public space -
29 Август – 7 Септември
SCH2014 е десетодневен креативен фестивал чија главна цел е дизајн и изработка на студии и физички интервенции во јавниот простор кои поттикнуваат граѓанска инволвираност, нудат нови содржини и алтернативна употреба. SCH2014 ќе биде домаќин на етаблирани домашни и странски професионалци кои ќе изработуваат проекти со студенти од различни креативни дисциплини. Покрај проектно базираната соработка, SCH2014 ќе биде средиште на јавни дискусии на теми од- и за-градот со интернационални активисти, професори, теоретичари и филозофи кои исто така ќе придонесат за формирање на дискурс околу работата на фестивалот. SCH2014 е место за средба>соработка>креирање>делување.
SCH2014 се стреми да прерасне во генератор на свежи дизајн предлози и нови идеи за содржина, активирање и развој на урбаниот простор.
Нашата работа ќе се фокусира на генерирање на практични и релевантни одговори на следниве важни прашања:
Што можеме да научиме од урбаните специфичности на Скопје?
Што можеме да понудиме како млади креативни професионалци?
ФОРМАТ:
1. Серија на урбани интервенции развиени со 2. јавни дискусии со поканети гости, и дополнети со 3. богата паралелна програма.
1. Урбани интервенции – Работилници – Заедно со туторите, студентите ќе работат интензивно и секојдневно на истражувања, дизајн и изработка на физички интервенции во простор, презентации, изложби и дискусии. Ќе бидат поделени во вкупно 5 групи. Секоја група е составена од тим на тутори и 10 – 15 интернационални студенти од различни креативни дисциплини.
Интервенциите преставуваат интерактивни објекти изработени во различни медиуми (визуелни, звучни, просторни итн.) кои повикуваат на љуботипност и контакт од близу. Тие нудат алтернативна употреба и промовираат слободна и индивидуална интерпретација на јавниот простор.
2. Јавни дискусии – серија на јавни дебати за активирање и тестирање на- и експериментирање со- јавен простор. Во рамки на јавните дебати поканивме високо релевантни професори, активисти, архитекти и теоретичари кои ќе обезбедат остри критики и насоки за работата на групите. Нивниот критички поглед ќе го подигне квалитетот на работата и ќе отвори јавна дебата за релевантни теми поврзани со урбаноста и граѓанската инволвираност при развој на градот.
3. Паралелна програма – перформанси, еднодневни акции, театарски представи, изложби, представување на локални уметници и активисти, концерти, дј настапи и сл. Паралелната програма ќе овозможи видливост, динамика и препознавање на SCH2014, како јавен простор самиот во себе.
РАБОТИЛНИЦИ – ГРУПИ:
1. КОНСТРУИРАЊЕ НА ОТВОРЕНА СЦЕНА
Ensamble (Цирих)
RADiUs Архитекти (Скопје); Елена Диновска (Скопје)
2. ЕДИНИЦА ЗА ВЕЛОСИПЕДСКИ УРБАНИЗАМ ВО СКОПЈЕ
Florian Lorez – Smarter Than Car (Виена)
НаТочак (Скопје)
3. РЕАКТИВИРАЊЕ НА ЗАЕДНИЧКИ ПРОСТОРИ – МУЛТИДИСЦИПЛИНАРНА СТУДИЈА – МАПИРАЊЕ>АЛАТКИ>ПРЕДЛОЗИ
Haris Piplas – Urban Think Tank (ETH, Цирих)
Marko Macura – IdNet (Нови Сад)
4. ЈАВНИ „ИГРАЛИШТА“
ProstoRož (Љубљана)
Ивана Костовска (Скопје); Велимир Жерновски (Скопје)
5. „ОД- И ЗА-ГРАДОТ“ ГРАФИЧКИ ДИЗАЈН
Неда Фирфова (Токио)
ДИСКУСИИ – ГОСТИ:
Проф. Philip Ursprung (gta/ETH, Цирих)
Проф. Tadej Glažar (FA Ljubljana)
Проф. Lieven de Cauter (KU Lueven)
Проф. Mechtild Widrich, (School of the Art Institute of Chicago)
Dubravka Sekulić (Белград/Цирих)
Дамјан Кокалевски (Скопје/Цирих)
Nemanja Zimonjic (Studio Tom Emerson, Лондон/Цирих)
Florian Lorenz (Smarter Than Car, Виена)
Bekim Ramku (KAF, Приштина)
Haris Piplas (Urban Think Tank, ETH Цирих)
Марко Ицев (Скопје)
Јасна Стефановска (Скопје/Љубљана)
Мarko Macura (IdNet, Нови Сад)
ПАРАЛЕЛНА ПРОГРАМА:
Samia Henni (ETH Цирих) и Тиииит! Инк. (Скопје) – креативна соработка
Wake Yakuza (Атина) – графити
ESRA (Скопје) – видео документација на фестивалот и продукција
ИЗЛЕЗ (Скопје) – студентска презентација
Театра (Скопје) – театарска представа
МОФ, Младински Образовен Форум – младински перформанс
Марта Мојсова (Скопје) – дизајн со реупотреба
САМ (Скопје) – Скејт Асоцијација на Македонија
НаТочак (Скопје) – велосипедски акт
CAC , Современ Арт Центар Скопје – проект мобилна галерија
АКСЦ, Автономен Културен и Социјален Центар Скопје
ФРИК (Скопје) – визуална уметност, музика, перформанс
Зелената Арка (Скопје) – урбана агрокултура
МКЦ како ЦЕНТРАЛЕН ПРОСТОР на SCH2014 креативниот фестивал!
ПОВИК ЗА УЧЕСНИЦИ на SKOPJE CREATIVE HUB 2014
http://citycreative.net/news/24
*Повикот ќе биде отворен до 15ти Август!
* Сите резултати од фестивалот кје бидат публицирани во книга, достапни на www.citycreative.net интернет страницата и представени на BIO50, Биенале на индустриски дизајн во Љубљана, едно од најстарите и најбитните биеналиња од овој тип во Европа.
Зошто Скопје?
Убедени сме дека градот поседува огромен креативен потенцијал, кој ќе им овозможи на граѓаните и меѓународните учесници на SKOPJE CREATIVE HUB 2014 одлична подлога за работа. Особено во уметничкиот и културниот сектор има голем број на млади и реализирани професионалци. Нашето искуство се состои од меѓународни иницијативи за активирање на јавниот простор преку креативен начин на партиципација и во спротивно на ова веруваме дека свеста на граѓаните на Скопје за учество во развојот на градот е на релативно ниско ниво. Нашето искуство не убеди дека во Скопје постои огромна потреба од вакви интервенции. Меѓународната група на креативци, работејќи во Скопје ќе донесе свежи идеи и ќе го активира јавниот простор во соработка со локалното население.
По катастрофалниот земјотрес во 1963 година, со процесот на повторна изградба на градот, спонзорирана и водена од страна на Обединетите Нации, Скопје стана светски центар каде што највлијателните креативни мислители во тоа време како Кензо Танге, Арата Исозаки, Константинос Доксиадис, Ван дер Брок, Бакема и др. го цртаа и градеа идниот план за градот. Тоа го направи Скопје центар на соединување на идеи, факт кој денес е во голема мера заборавен. Зошто се случи ова?
Ние би сакале да работиме заедно на рестартирање на оваа идеја и визија за градот – заедно со градот и неговите луѓе. SCH2014 ќе биде домаќин на најрелевантни архитекти, дизајнери, уметници, фотографи, мислители, активисти и академци. SKOPJE CREATIVE HUB 2014 ќе го обнови Скопје како центар на креативноста.
Фстивалот е поддржан од: Prince Claus Fund for Culture and Development, Младинскиот Културен Центар од Скопје и Градот Скопје.