JOSS STONE вокал
LEON KING гитара
PETE IANNACONE бас
RICKY JORDAN тапани
JONATHAN SHORTEN клавијатури
MICHELLE JOHN придружен вокал
SHARON WHITE придружен вокал
Еден од најсилните гласови што излегоа од британската музичка сцена и позната како Арета Френклин на првите децении на XXI век, добитничката на наградата „Греми“ Џос Стоун за првпат доаѓа во Македонија. Стоун имаше само 16 години кога стапи на мејнстрим-сцената, „опремена“ со моќен глас и старински, соул звук. Стекна верна публика во родната земја и во странство, прво со своите реинтерпретации на класични соул песни, а подоцна и со своите кантавторски вештини и моќни изведби. Стоун се прослави кон крајот на 2003 година со својот повеќекратно платинумски дебитантски албум „The Soul Sessions“. Нејзиниот втор албум „Mind, Body & Soul“ достигна платинумски статус во повеќе земји и на Стоун ѝ донесе и комерцијален и критички успех, како и три номинации за наградата „Греми“ и две награди „БРИТ“. По шест албуми, модерната кралица на безвремениот класичен соул се впушти во проект што преставува спој на хип-хоп, реге, светска музика и ритам и блуз, со својата нова плоча „ Water For Your Soul“. Тоа е албум што пулсира со течен реге фон, заслепува со звучната авантура на хип-хоп комбинации, блеска со егзотичните звуци на светската музика и го нанесува емотивниот удар на ритам и блуз. Подгответе се Џос Стоун да ве вчудовиди и одушеви. Слободоумната англиска соул пејачка беше на неверојатно патешествие, метафоричко и буквално, уметничко и географско, собирајќи влијанија и создавајќи музика.
Скопскиот концерт е дел од големата „Total World“ турнеја на Stone која ги опфаќа сите земји на сите светски континенти. Скопскиот џез фестивал изразува благодарност до големата пејачка која прифати ексклузивен интимен концерт (со целосниот состав на својот бенд), речиси во клупска атмосфера, во очекување дека оние среќници во салата во таков амбиент ќе доживеат волшебно искуство.
КОНЦЕРТОТ Е РАСПРОДАДЕН!!!