По неколку месечна работа, албумот компониран во Ново Лисиче, аранжиран во Драчево, сниман во Влае, доснимуван во Ѓорче, миксан во Аеродром, ќе биде ослободен од стегите на неговите автори и пуштен во етерот за да ја нагризе и корумпира јавната свест. На 12ти декември во бифето на Кино Фросина (МКЦ) ќе се одржи промоција, на која Fighting Windmills ќе отсвират едночасовен концерт на кој ќе имате можност да го слушнете матаеријалот од нивниот нов, трет албум, во едно поинакво “светло” (читај: мрак).
Специјални гости на настанот ќе биде холандското експерименталното дуо VONK (кои ќе изведат композиција специјално креирана за оваа пригода) и видео-артистите Nixter+Xe Meja.
„Рапсодии во празно“ представува една нова, комплетно инструментална и значително помрачна варијанта на звукот на Fighting Windmills. Се состои од 8 рапсодии и 3 „сиви зони” кои заедно формираат една комплексна 50 минутна композиција. „Рапсодии во Празно“ како целина е реквием за каубојците кои јаваат во зајдисонцето, за хеликоптерот на Чаушеску, за дневникот на Винстон Смит и препоните на неговата Џулија. „Рапсодии во Празно“ е крик во сивило и мракобесие, во празнина и вакум, или со други зборови – „Рапсодии во Празно“ е индиго копија на реалноста на 5 млади луѓе од Скопје (додуше еден од Охрид).
На концертната промоција “Рапсодии во Празно” ќе може да го купите по цена од 150 ден.
http://fighting-windmills.com/
VONK (Boris Bezemer + Gerjan Piksen) се холандско дуо кое се занимава со експериментална електронска музика. Тие создаваат сопствени електронски инструменти и plug-ins за компонирање и манипулирање на звук во реално време. Или како што велат тие – VONK is an experimental electronic duo, that has been searching for the ultimate way to blow your head off, and with success!
http://www.vonkvonk.nl/
https://www.facebook.com/pages/VONK/431907390184676
Nixter + Xe Meja се >>реномирани<< скопски видео-уметници кои снимаат no-budget филмови, видео инсталации, визуелизации и слични тракатанци. Што би рекле они – We make movies and create superstars.
https://www.facebook.com/RenownedStudio