Низ суптилни звуци и поетична фотографија, „Mali Blues“ портретира четири извонредни музичари од Мали кои никогаш нема да ја прифатат омразата, недовербата, насилството или радикалниот ислам – дома во Мали, но и во остатокот од светот. Интернационалната ѕвезда Фатумата Дијавара, традиционалниот Гриот и виртуоз на инструментот нгони Басеку Кујате, младиот рапер Мастер Суми и туарешкиот гитарски херој Ахмед Аг Кади – сите тие имаат нешто заедничко: нивната музика поврзува, обединува, теши и лекува, поттикнувајќи ги луѓето на борба за промена, за подобра иднина, за живот во мир и толеранција. „Мали блуз“ е музички филм. Средба на африканскиот хип-хоп со духот на Џими Хендрикс, на пустинскиот блуз со динамичниот афро-рок. Филм за обединувачката моќ на музиката, која ја осветлува со надеж Африка и нејзините жители во овие турбулентни времиња.
Режија: Lutz Gregor
Улоги: Fatoumata Diawara, Bassekou Kouyaté, Master Soumy and Ahmed Ag Kaedi
Времетраење: 93 мин.