Импакт Шоп во соработка со МКЦ Скопје го најавува концертот на новосадските панк легенди АТЕИСТ РАП.
Бројките велат дека АТЕИСТ РАП последен пат свиреле во МКЦ на 17.1.1997, па еве по речиси 20 години, повик до старата генерација за освежување на сеќавањата и сетилата, но воедно и „наредба“ до младите на панк едукација.
На 16 април 2016 во МКЦ Скопје, АТЕИСТ РАП во живо!
Концертна промоција на новиот албум “Überlauf”, но секако нема да изостанат и старите добри хитови.
АТЕИСТ РАП се формирани во далечната 1989 година во Нови Сад. Своја афирмација добиваат веќе со деби албумот „Маори и Црни Гонзалез“ од 1993 година.
Фанзинашки и преку полуприватни канали, албумот го наоѓа патот до слушателите, а песната “Wartburg limuzina” ги води на врвовите на топ листите на кои песната беше емитувана.
Во изминатите 27 години Атеист Рап ги полни клубовите низ целиот регион, а имаат настапувано на сите поголеми и значајни фестивали (EXIT, INmusic Zagreb, Belgrade Calling, Beerfest, Dirty Old Festival, Viva La Pola, Vrlo dobar festival Sarajevo, Pivolend, Lake fest , Lastovo – otok glazbe, Ritam Evrope, Opatijske Barufe, Koncert godine), а бината ја делат со бендови како NOFX, Bad Religion, Buzzcocks, Die Toten Hosen, Nomeansno, PTTB, Cock Sparrer, The Exploited и Green Day.
По изминати 27 години творештво на кое пораснаа многу генерации на овие простори, АТЕИСТ РАП не се откажува!
Напротив, концертно се активни, и во текот на минатиот период имаат по најмалку 50тина концерти годишно.
На 5.8.2011 АТЕИСТ РАП настапија во култниот клуб Barfly во Camden (London,UK), а два дена подоцна како единствени представници од просторите на бившата држва во ракмите на Rebbelion Festival во Blackpool, фестивал посветен на 35 години постоење на панк културата во Британија и светот.
Членовите на АТЕИСТ РАП се и актери во канадско-српскиот документарен филм “SLAUGHTER NICK FOR PRESIDENT“, филм, кој освои награда за најдобар документарен филм на ЗАГРЕБ ФИЛМ ФЕСТИВАЛ во 2012 година.
Зад себе имаат 6 студиски албуми, 1 best off албум, DVD live изданија и албум издаден заедно со монографија објавена по повод 20 години постоење на бендот.
АТЕИСТ РАП настапува во состав:
Владимир Радусиновиќ – Радуле (гитара и вокал)
Александар Попов – др. Поп (вокал)
Александар Милованов – Ацке (тапани)
Зоран Лекиќ – Леки (бас гитара)
Зоран Џуклевски (гитара)
БИЛЕТИ ВО ПРОДАЖБА ПРЕКУ ПРОДАЖНАТА МРЕЖА НА МК ТИКЕТС И НА БИЛЕТАРА МКЦ ПО ЦЕНА ОД 250 ДЕНАРИ. НА ВРАТА, БИЛЕТ ЌЕ ЧИНИ 300 ДЕНАРИ.
Се гледаме во МКЦ!