РОДЕНДЕН

По четврти пат (по една година пауза) ви го најавуваме првиот настан во МКЦ за 2015 – Роденденот!

Изложба, концерт, поетско-сценски перформанс, филмски маратон, музика…да тргне годината.
Ве очекуваме во сабота на 17.01 во МКЦ, – вратите се ширум отворени за сите добронамерни посетители.

*
На отворањето на манифестацијата ќе биде отворена самостојната изложба на академскиот сликар Ацо Станковски со циклусот слики, цртежи и графики насловен како: „Простор, човек, симбол“ работена главно во последните три години. Во ова уметничко истражување творецот Александар Станкоски се бави со некои актуелни теми што ја окупираа културната но и општествената јавност во последните години како што беа контраверзите околу генезата и историјата на македонскиот народ, проектот Скопје 2014–та, реакциите на опозиционите структури на овие општествени феномени и историската дебата што се водеше околу сите овие теми.

**
Повеќе од 20 учесници, вклучително и поети од Република Србија ќе земат учество во големиот поетско-сценски перформанс ПЕСНИЛО. Кино Фросина, 20:00, водител – Иван Шопов, настапуваат : Васко Маглешев, Цветанка Колева,  Драгица Јорданоска, Владимир Котески, Љупка Антеска, Андреј Ал-Асади, Ивана Стојковска, Игор Трпчески, Васил Божикалиев, Снежана Стојчевска, Мартин Богатиноски, Стефан Марковски, Ева Петрушевска, Дончо Мишовски, Николина Василевска, Даниел Карески, Ана Стојаноска, Митко Гогов, Кристијан Јорданов, Перо Сарџоски, Александар Станојков, Слаџана Шимрак

***
Имаме 5 домашни бендови на програмата + 3 музички селектори:

Распоред на настапи:
21:30 K.N.N.T
22:20 SUSIJAT
23:10 FIGHTING WINDMILLS
00:00 SIZ
00:45 AUTMIND

AUTMIND е трио формирано од старите другари Златко Цеков, Игор Атанасоски – Харе и Жарко Пејковски… Иако за прв пат работат заедно во оваа формација, сите имаат солиден музички background. Харе како гитарист во бендови како Bakrot Blues Bend, Архангел, Ezgija orchestra. Цеков има соработувано со браќата Васко и Венко Серафимовски на неколку проекти, додека Ж’ба помина кус период како пеач на SunS, но во исто време е активен како транс Диџеј… модерен вокално-електронски dance состав на кој основицата се моќни прогресивни ритмови во склад со винтиџ гитарски фанк звук… Сегашната постава на бендот ја сочинуваат Кали В. – вокал, Ж’ба – вокал и ДиЏеј, Гуру Харе – вокал и гитара.

SUSIJAT се ново име на македонската сцена. Познати и стари фаци во нов напад. Постојат веќе 1 година, а нивниот прв албум “Safety in numbness” ќе излезе во Февруари.
SUSIJAT се:
Лазар Дарковски – тапани
Никола Дрвошанов – бас
Деан Змејкоски – гитара
Борко Хаџиевски – вокал

FIGHTING WINDMILLS се бенд или поточно кажано: идеја од Скопје. 2 гитари, бас, бубањ и кларинет. Свират музика, некогаш и не баш музика. Во 2013 го издаваат можеби своето најдобро издание (3 албум по ред), кој наиде на одлични критики и од страна на медиумите, како и од страна на публиката. Во моментот веќе бендот работи на четвртиот албум, а на концертов ќе се изведат и песни од претстојното издание.

SIZ или СИЗ (Самоуправна Интересна Заедница) е бенд од Куманово составен од Ивица Димитријевиќ-гитара и вокал и Филип Станчевски-тапани и перкусија. Музиката на СИЗ е инспирина од разни музички правци и разни изведувачи и едноставно не може да се сврсти во ниеден музички жарн. Ако веќе треба некако да се крсти жанрот во кој би припаѓале тоа би било avant-garage или можеби neo-bopism .

****

БИФЕ МКЦ
СТАРТ: 23:00
Музика селектираат:
Саша Павловиќ
Соња Исмаил
ШУРБЕ

*****
Во Кино Милениум, најавуваме бесплатен 24 часовен филмски маратон.

За филмовите од 20:00, 22:30 и 01:00 подигнете билети на билетара на Кино Милениум, веќе од денес од 12:00.
Еден гледач, може да подигне најмногу 4 билета. За останатите филмови, нема потреба од билет, вратите се отворени.

11.00 – Храбрата кола Плоди / Ploddy the police car
режија: Rasmus A. Sivertsen
играат: Robert Stoltenberg, Pernille Sørensen, Gard B. Eidsvold
13.00 – Убавицата и ѕверот / Beauty and the Beast
режија: Christophe Gans
играат: Vincent Cassel, Léa Seydoux, André Dussollier
15.00 – Крвни врски / Blood Ties
режија: Guillaume Canet
играат: Clive Owen, Marion Cotillard, Billy Crudup
17.30 – Невидливата жена / The Invisible Women
режија: Ralph Fiennes
играат: Ralph Fiennes, Felicity Jones, Kristin Scott Thomas
20.00 – Нулта теорема / The Zero Theorem
режија: Terry Gilliam
играат: Christoph Waltz, Lucas Hedges, Mélanie Thierry
22.30 – Џо / Joe
режија: David Gordon Green
играат: Nicolas Cage, Tye Sheridan, Gary Poulter
01.00 – Љубовта е чудна работа / Love Is Strange
режија: Ira Sachs
играат: John Lithgow, Alfred Molina, Marisa Tomei
03.30 – Вештерките од Зугарамунди / Witching and Bitching
режија: Álex de la Iglesia
играат: Hugo Silva, Mario Casas, Pepón Nieto
06.00 – Студениот јули / Cold in July
режија: Jim Mickle
играат: Michael C. Hall, Sam Shepard, Don Johnson
08.30 – ФИФА: Обединета страст / United Passions
режија: Frédéric Auburtin
играат: Sam Neill, Tim Roth, Gérard Depardieu

Се гледаме на „Роденден“, оваа сабота на добро позната адреса Кеј Димитар Влахов 15 (до МАНУ).